قصص رعب انيميشن | لعنة الشيطان "The Rake" | رعبيات

 

لعنة الشيطان "The Rake"

عمرك شوفت شيطان لونه ابيض قبل كده ؟!

السنة اللي فاتت ف اجازة الصيف

قررت اني اروح لولاد عمي زياد و سيف

عشان ابات عندهم كام يوم

وقتها قلت لأهلي عالتخطيط اللي كنت مخططله للاجازة دي

و لحسن الحظ .. هما وافقوا وقتها

و بعدها

ابتديت احضر الشنط بتاعتي

ووالدي اخدني بالعربية عشان يوصلني عندهم 

كانت الساعة وقتها حوالي ٩ بليل لما وصلنا هناك

و بعدها قابلت زياد و سيف 

و بعد العشا .. دخلنا السرير عشان ننام

اثناء م كنا نايمين فالاوضة

فجأة صحيت من النوم عشان ادخل الحمام

لكني بمجرد م ابتديت اني انزل عالسلالم

حسيت ب احساس غريب 

كانت الدنيا ضلمة جدا فالبيت

ومكنتش عارف فين مكان زرار النور

ولا حتى كان معايا فلاش ف ايدي وقتها 

و فضلت محتار ما بين فكرة اني اكمل و اروح الحمام

ولا اني مروحش و ارجع تاني عالاوضة 

لأني بسبب كوني وقتها كان عندي ١٣ سنة

كنت بخاف جدا مالضلمة

بعدها اخدت قراري ب اني اكمل و اروح الحمام

لكني اثناء م كنت جوه 

فجأة سمعت صوت خبط جامد عالباب

وقتها سألت وانا مرعوب 

انا : مين بيخبط ؟!!

لكن وقتها .. محدش رد

و بعدها ب ثواني

سمعت صوت نفس الخبطة مرة تانية

فالمرة دي انا كنت ابتديت اتعصب و قلت بصوت عالي

انا : زياد انت و سيف .. انتوا بتحاولوا تخوفوني يعني ؟!

لو اه ف انا حخليكوا تندموا على ده 

امشوا بقا احسنلكم

و بعدها

صوت الخبط اختفى

بعدها خرجت مالحمام واتجهت تاني عالاوضة عشان اكمل نوم

لكن وقتها .. شوفت زياد كان صاحي

عشان كده بصيتله و سألته

انا : زياد .. انت اللي كنت بتخبط مش كده ؟!

رد عليا 

زياد : لا..انا ايه اللي حيخليني اروح الحمام اصلا فالوقت ده

انا لما بكون عاوز اروح بخلي ماما تيجي معايا

لأني بخاف مالضلمة

ووقتها بصيتله و قلتله

انا : تمام .. تمام

بعدها سألته لو مش هو اللي كان بيخبط 

اومال كان مين .. كان سيف ؟!

زياد : اكيد لأ .. سيف عنده ٥ سنين 

ازاي حيقوم اصلا و يجي وراك عشان يخوفك ؟!

ده تلاقيه بابا ممكن اللي كان بيخبط عليك

حاول تنام انت بس 

بعدها قلتله 

انا : ماشي .. انا عايز انام لوحدي

عندكم اوض تانية فاضية عشان انام ؟!

زياد : اه .. فيه اوضة تانية انا بنام فيها

لما بحب انام لوحدي و محدش يزعجني

ووقتها شكرته .. و اتجهت علطول عالاوضة التانية

و فضلت ممدد فالسرير بحاول اني انام

لكني بمجرد م عيني راحت فالنوم

حسيت ب حاجة تقيلة .. كأن حد قاعد على رجلي

واول م فتحت عيني

شوفت اللي عمري ف حياتي م شوفته

مخلوق ابيض غريب و شكله مرعب

كان واقف قدام السرير بيبصلي

عينيه الاتنين .. مكنوش موجودين

و بمجرد م شوفت المنظر المرعب ده

علطول صرخت باعلى صوتي و طلعت اجري برة الاوضة

المخلوق ده كان بيجري ورايا باقصى سرعته 

كأنه حيوان متوحش

و كان على وشك انه يمسكني فعلا لما فجأة

نطيت بسرعة و رميت نفسي من عالسلالم من فوق

و بعدها

الدنيا ابتدت تضلم قدامي و محستش بأي حاجة

و اخر حاجة كنت فاكرها

انه اغمى عليا ف نفس اللحظة

و لما فوقت 

كانت الدنيا الصبح

و كان كل شئ شكله طبيعي

زياد و سيف و مرات عمى كانوا قاعدين جمب السرير بتاعي

مرات عمي قالتلي انها سمعت صوت صريخ عالي

و سمعت صوت حد بيجري برة الاوضة

واول م طلعت .. شافتني وانا مرمي عالارض

و كان باب البيت مفتوح

و فضلت تسألني عن سبب كل اللي حصل

لكني وقتها جاوبتها

بأني شوفت صرصار هو اللي كان مخوفني

و اعتذرتلهم عن كل حاجة حصلت

ووقتها مرات عمي قالتلي انه حصل خير

والمهم اني بقيت كويس دلوقتي

بعدها قمت مالسرير و ابتدينا نفطر

و قضينا اليوم مع بعض واحنا بنضحك و نلعب

و بعدها

كان جه الوقت اللي لازم فيه .. اني ارجع للبيت

لكني لما رجعت

محاولتش اني احكي لأهلي عن اي حاجة حصلت 

فالليلة اللي فاتت

لأني كنت متأكد ان محدش فيهم

كان حيصدقني وقتها

لكن بالرغم من ده 

كان عندي فضول كبير اني اعرف طبيعة المخلوق الغريب اللي ظهرلي ليلتها

و بعد بحث طويل عالانترنت

اكتشفت ان المخلوق ده

عبارة عن شيطان خطير اسمه Rake

شيطان بيفضل يبص ف عيون ضحاياه قبل ميقتلهم

وانه بمجرد م حد بيشوفه

ده معناه انه بالفعل بقى ضحية للشيطان ده

او عالأقل 

حد من افراد عيلته

وان فكرة رؤيته قدامك 

دي لعنة ف حد ذاتها .. حتفضل تطاردك طول العمر

معرفش ازاي انا قدرت اني اهرب منه ليلتها

لكني اكيد كنت محظوظ جدا فالليلة دي

لكن بعدها ب اسبوع

جالنا خبر وفاة سيف ابن عمي

كنت مصدوم جدا من خبر موته المفاجئ

وقتها سألت زياد عن سبب اللي حصل

ووقتها قاللي

ان من حوالي اسبوع 

و تحديدا ف اليوم اللي انا رجعت فيه ل بيتي 

سيف كان بيصحى يعيط كل يوم بليل

و اثناء م كان بيعيط

كان بيفضل يكرر جملة واحدة بس

كانت بتقول .. شيطان ابيض .. واقف بيبصلي

لكن وقتها .. محدش كان بيصدقه 

كنا كلنا فاكرين ان دي مجرد خيالات من طفل صغير

لكن فجاة .. سيف مات

وبعد م رجعت من عندهم

انا كنت متأكد تماما .. ان Rake

هو اللي قتل سيف 

لأنه زي م حكيتلهم عنه من شوية

فكرة انك تشوفه قدامك

ده شئ اشبه باللعنة .. اللي حتفضل تطاردك طول عمرك

و بسبب كوني قدرت اني اهرب منه ليلتها

قرر ريك و بكل اسف 

انه ياخد حد من عيلتي مكاني ..

اشترك في قناتنا عاليوتيوب

https://www.youtube.com/@ro3byat

تابعنا على صفحتنا عالفيسبوك

https://www.facebook.com/ro3byatt

اشترك في جروب الفيسبوك

https://www.facebook.com/groups/ro3byat

تابعنا على صفحتنا عالانستاجرام

https://www.instagram.com/ro3byat

تابعنا على قناتنا عالتيك توك

https://www.tiktok.com/@ro3byat

تابعنا على صفحتنا على تويتر

https://www.twitter.com/@ro3byat