القائمة الرئيسية

الصفحات

تعديل المشاركة

قصص رعب انيميشن - القرية المرعبة - الجزء السادس و الأخير - رعبيات

(0)



 القرية المرعبة

الجزء السادس

"الأخير "


الحلقة ٦

الليلادى حتبقى هي الليلة 
قلت لنفسي كده وانا بغسل وشي 
انا و دكتور وائل كنا متفقين اننا الليلادى حنمسك الوحش اللي مستخبي وسطنا
و اللي كان السبب 
ف كل اللي بيحصلنا

بعد الغدا شفت دكتور وائل بيتكلم مع مدام نادية 
مكنتش قادر اتخيل انه فالاخر
كانت هي الوحش اللي بندور عليه
بعدها سمعت صوت
مس فاتن : شكلك قلقان يا مستر اكرم 
انت كويس ؟! 
رديت عليها 
انا : هاا اه انا تمام .. كويس
بعدها قالتلي 
فاتن : بكرة كله حيسيب الاوتيل بتاعي و يمشي
انا بفكر جديا ان انا ابيع الاوتيل 
و ارجع تاني للمدينة
متهيألي جه الوقت عشان اريح بقا مالشغل
بصيت و سألتها

انا: انتي بقالك قد ايه بتشتغلي هنا ؟!
ردت عليا 
فاتن : مالك الاوتيل كان صديقى
بعد م اتوفى
قررت اني اخد مكانه عشان المكان ميوقفش
لكن بجد انا مبقتش قادرة اكمل

و بعد م خلصت كلامها 
قامت و مشت و هي مضايقة

و اول مالشمس غابت و الدنيا ابتدت تليل
ابتديت احس بتوتر شديد 
انا و دكتور وائل قعدنا نتكلم شوية
و بعدها حاولنا نسلي نفسنا و قعدنا نلعب شطرنج 
و بعد م خلصنا العشا
كل واحد اتجه لاوضته
و مس فاتن عزمت على مدام نادية بكباية عصير
وقتها قلت لنفسي 
انا : الليلادي 
حتتكشفى يا مدام نادية 
و حيبان وشك الحقيقي

لما جت الساعة ٢ بليل 
سمعت خبط خفيف على باب الاوضة بتاعتي
كنت صاحي وقتها مستني اشارة دكتور وائل
قمت و فتحت الباب
و دكتور وائل كان مستني برا
و كان ماسك عصاية كبيرة ف ايده
وقتها مقلتش ولا كلمة
و اتجهنا لاوضة مدام نادية
دكتور وائل دخل المفتاح و فتح الباب ببطئ
ووقتها عرفت انه اكيد اخد المفتاح البديل 
من غير محد يعرف

الاوضة كانت ضلمة جدا
وكان الضوء اللي داخل مالشباك
هو اللي مساعدنا عشان نقدر نشوف المكان

يوسف كان نايم جمب الشباك
لكن مدام نادية
مكنتش موجودة فالسرير

وقتها انا و دكتور وائل كنا مستخبيين ورا الباب
و مستنيين اللحظة المناسبة 
عدى وقت طويل 
و مفيش اي حاجة حصلت
و فجأة
ساعة الاوتيل رنت ٣ مرات
وقتها عرفنا ان الساعة جت ٣
وان اللحظة جت

فاللحظة دي سمعنا صوت فالاوضة 
و شفنا شباك الاوضة بيتفتح لوحده
و ظهر شبح لونه اسود
و شعره طويل و طاير فالهوا
و ابتدي يدخل الاوضة 

فاللحظة دي قلبي كان بيدق جامد من كتر الخوف 
و دكتور وائل ابتدى يمسك العصاية بقوة
ووقتها الشبح ابتدى انه يقرب من يوسف اكتر 
لكن فجأة
باب الحمام اتفتح
و خرج منه مدام نادية و هي بتفرك ف عينيها
واول مبصت عالسرير

شافت الشبح المرعب بيقرب من ابنها يوسف
ابتدت تصرخ جامد
  فالوقت ده كنت جريت بسرعة عالشباك
و قفلته من جوه
و دكتور وائل جرى بسرعة و فتح نور الاوضة 

ووقتها
شفنا مس فاتن هي اللي كانت واقفة جمب الشباك
و كان شكلها مرعب
كانت عينيها حمرا 
و كان فيه دم كتير بيخرج من بقها 
و فجأة 
نطت و حاولت انها تهاجم مدام نادية 
وقتها دكتور وائل بدون اي تردد 
سحب العصاية 
و ضربها ف قلبها 
صوت صرختها وقتها 
هزت الاوتيل كله
لدرجة ان يوسف قام مفزوع ماللي سمعه و ابتدى يعيط
كمان شادى كان سمع الصوت و جه يجري

و فجأة و قدام كل الموجودين
مس فاتن ولعت نار فالاوضة 
و دخلت جواها لحد ما بقت رماد و اختفت

وقتها مكنتش قادر اصدق ان مس فاتن 
كانت هي مصاص الدماء 
او الشبح المسخبى وسطنا

 فاليوم التالى
كنت سبت الاوتيل و رجعت تاني لبيتي
و بعدها بفترة
دكتور وائل بعتلى رسالة 
كان بيقولي فيها انه فالليلة دي
شاف مس فاتن
كانت بتحط حبوب منومة ف العصير لمدام نادية
كانت بتحاول انها تخدر الام عشان تقدر تقتل الولد الصغير
و بعدها تقتل مامته ف نفس الليلة
لأنها حست ان الاوتيل حيفضى 
ومش حتلاقي حد عشان تقدر تكمل شهوتها ف مص الدم

ووقتها عرفت
هي ليه قالتلي فاليوم ده انها بتفكر ترجع المدينة
لانه حيبقى مالسهل عليها هناك 
انها تلاقي فريسة بسهولة

كمان كان مكتوب ف رسالة دكتور وائل
ان مالك الاوتيل القديم
اتوفي بسبب انيميا

و لحد دلوقتي
محدش يعرف مين هي شخصية مس فاتن ولا اصلها ايه
لكني لحد اللحظة دي
لسه بيجيلي كوابيس بليل كل محاول اني انام
و بفضل اتخيل شكلها 
و هي واقفة عند الشباك و بتبصلي بعينيها المرعبة
و الدم بيخرج من بقها ..






اشترك في قناتنا عاليوتيوب

تابعنا على صفحتنا عالفيسبوك

اشترك في جروب الفيسبوك

تابعنا على صفحتنا عالانستاجرام

تابعنا على قناتنا عالتيك توك

تابعنا على صفحتنا على تويتر

أخر المواضيع من قسم : انيميشن رعب

تعليقات

إرسال تعليق