شبح المشرحة
انا اسمى هادي
و النهارده انا ححكيلكم على قصة غريبة و مخيفة
حصلت لواحد من اقرب أصدقائي
كان اسمه رامي
و الحادثة اللي حصلتله
كانت سبب رئيسي انه يتغير
و يبعد عن اي حاجة
كانت هي السبب
فاللي وصله وقتها
انا و رامي كنا اصحاب قريبين من زمان
لحد ما جت فترة اتحول و بقى شخص تاني
فجأة بقا مش مهتم بشغله
و بدأ يقابل بنات كل يوم
و بقى بيشرب كتير
و بسبب كل ده
خسر وظيفته ف اقل من اسبوعين
و كان بيترفد من كل وظيفة يقدم فيها
و لأنه فضل فترة كبيرة من غير وظيفة
فلوسه ابتدت تخلص و بدأ يمر بازمة صعبة
و كان محتاج وظيفة بأي شكل
كنت دايما بحاول اقنعه و اقوله يبعد عن الطريق ده
لكنه مكنش بيسمع نصيحتي
لحد م ف يوم
جالي و هو بيجري و قاللي
رامي : باركلي يا هادي .. انا اخيرا لقيت وظيفة
هما قالوا انهم حيدفعولي راتب كويس
بس المشكلة ان الوظيفة فيها خطورة شوية
حشتغل ف مستشفى ف شيفت بليل
بس الشغل حيكون ف اوضة المشرحة
انت ايه رأيك ؟!!
انا : انا شايف انه كويس جدا طالما انت محتاج شغل
و بعدين ايه الخطورة ف ده يعني انت ف مستشفى ؟!!
رامي : بالظبط اه.. اا اكيد حاخد عالمكان يعني
بعدها خرجنا و قضينا اليوم مع بعض لحد بليل
وبعدها انا روحت
و رامي راح المستشفى عشان يبتدي الشغل الجديد
و يستلم وردية بليل
و هناك
رامي قابل عم جمال
زميله اللي كان شغال معاه فالمشرحة
كان بيشتغل هناك من فترة كبيرة
و اللي كانت مهمته الاساسية
هي تنضيف الجثث و نقلها من مكانها
ابتدي يشرح لرامي المطلوب منه
يعمله
عامل : بص احنا حنشتغل مع بعض هنا ف اوضة المشرحة
وانت مطلوب منك تبص ف سجلات الجثث دي كلها و تراجعها
مفهوم ؟!!
رامي : تمام فهمت
رامي حكالي ان كان فيه اوضة غامضة و غريبة جوه المشرحة
كان بيبقى جواها جثث كتير متغطية
كانوا اوقات كتير بيسمعوا اصوات غريبة جاية من جوه الاوضة
و محدش كان بيبقى عايز انه يدخلها
بس هو للاسف
كان بيضطر احيانا انه يدخل جوه
عدى اسبوع و رامي ابتدا انه ياخد عالمكان و يفهم الشغل
لكنه ابتدى يرجع تاني للشرب بليل
كمان ابتدى انه يدخن كتير
بس مكنش بيقول لحد
لأنه بالرغم من ده
كان قادر انه يقوم بوظيفته و ميقصرش فيها
فالوقت ده رامي كان اتعرف على بنت جديدة اسمها دينا
كانوا بيتقابلوا كتير فالفترة دي
كمان دينا كانت اوقات بتروحله تقابله بليل فالشغل
هو قاللي انه كان ابتدى يحبها
و ف ليلة
رامي كان فالشيفت بتاعه بليل
و كان معدى من قدام الاوضة الغامضة
و اثناء ما كان معدى
سمع فجأة صوت حد بيخبط على باب الاوضة من جوه
وقتها حس ان ممكن يكون فيه حد محبوس جوه الاوضة
وقف قدامها
و ابتدى ينادي و يسأل مين جوه
و فجأة
الباب فتح ببطئ
و رامي
اترعب ماللي شافه وقتها
شئ غريب خرج من جوه الاوضة
كان طويل و جسمه كبير جدا
و كان شكله مرعب
مكنش فيه لحم ف ضهره
كانت ضلوعه و عضمه كله باين
كمان جلد وشه و جسمه
كانوا كلهم سايحين
وقتها رامي كان مرعوب مالمنظر اللي شافه
طلع يجري بسرعة و كان بيصرخ مالخوف
واثناء م كان بيجري عشان يخرج برة
لقى عم جمال واقف قدامه
رامي : عم جمال .. الحقني .. ااا انا شفت راجل ميت بيتحرك
جمال : مفيش الحاجات دي هنا
و مفيش ميت بيتحرك
مفيش داعي للخوف ده كله
انت اكيد شارب بس و بيتهيألك
اهدى كده و روح كمل شغلك
رامي : صح .. انت صح .. انا اسف عاللي حصل
بعدها علطول رجعوا تاني عشان يكملوا شغلهم
و بعد شوية
عم جمال راح ل رامي و قاله انه حاسس بألم شديد ف ضهره
وقتها رامي قاله
رامي : اعتقد ان انا ممكن اساعدك لو كان الالم خفيف
انا ممكن اعملك جلسة مساج خفيفة لضهرك
عم جمال قاله انه موافق لو ده حيخفف الالم اللي عنده
وابتدى يقلع التيشيرت اللي كان لابسه
واول مقلع التيشيرت
رامي دخل ف حالة ذهول
ايديه وقفت ف مكانها و جسمه نمل
مكنش فيه اي لحم مغطى ضهر عم جمال
و كان العضم
هو الحاجة الوحيدة اللي كانت ظاهرة
عم جمال كان شكله نفس شكل الراجل اللى رامي شافه فالاوضة
و ده معناه
ان الراجل اللي رامي كان بيتشغل معاه طول الوقت ده كله
و اللي كان فاكره زميله فالشغل
كان شخص ميت
و ده الشبح بتاعه
ابتدى يصرخ بصوت عالي
ووقتها الشبح لف وشه وبصله
وشه كان شكله مرعب و كله جروح
و عينيه كان لونها اسود
رامي فضل يجري لحد م خرج برة المستشفى و روح على بيته
و فاليوم التاني
قرر انه ميروحش الشغل
لحد مالمدير بتاعه كلمه وسأله هو ليه مجاش
ووقتها رامي قاله انه مش حيجي تاني المكان ده
لأن فيه شبح جوه المشرحة
و هو معندوش استعداد انه يموت
وقتها المدير قاله انه عارف انه بيشرب
وان دي اكيد كلها تهيؤات و مفيش وجود لاشباح فالمشرحة
و طلب منه انه يرجع شغله و هو حيضاعفله المرتب
رامي كان محتاج فلوس فالفترة دي
عشان كده قبل العرض و قرر انه يرجع شغله تاني
واول م وصل
دخل المكتب اللي بيبقى فيه السجلات
بص فالسجلات الموجودة
ووقتها اكتشف
ان فيه راجل اسمه جمال
اتقتل بسبب ان مراته
كبت علي ضهره مياه نار
سيحت جلده كله
جثة الراجل ده كانت لسه موجودة فالمشرحة
فالوقت ده دينا كانت جت عشان تشوف رامي
الاوضة كانت ضلمة جدا و مكنش فيه اي حاجة باينة
دينا قربت من رامي و سألته هو ليه مختفى بقاله يومين
و طلبت منه انهم يخرجوا مع بعض
لكن رامي مردش عليها
ابتدت تقوله انه وحشها و انها كان نفسها تشوفه
ووقتها رامي
اخدها من ايديها و دخلها الاوضة
و اثناء م كانوا جو الاوضة
فجأة باب الاوضة اتفتح
كان رامي اللي واقف عالباب
لكن
اومال مين اللي كان مع دينا !!
وقتها رامي سألها
رامي : دينا .. انتي بتعملي ايه لوحدك فالاوضة ؟!!
دينا بصت للشخص اللي كان معاها
ووقتها اتفجأت ان وشه اتغير تماما
وشه كله اتحول لللون الابيض
و عينيه اتحولت لللون الاسود
قامت بسرعة و جرت على رامي
و ابتدت تسأل بصوت عالي
دينا: اا انت مين ؟
كانت روح شريرة هي اللي موجودة جوه الاوضة
و كانت دينا بس
هي اللي تقدر تشوفها
رامي : انتي بتكلمي مين ؟!
دينا : انت اتجننت .. انت مش شايف الراجل اللي وقف وراك !
دينا كانت مرعوبة وقتها
طلعت تجري بسرعة عشان تخرج مالاوضة
واثناء م كانت بتجري
اتزحلقت عالسلالم ووقعت عالارض
و اتصابت اصابات شديدة
و اغمى عليا
وقتها رامي جرى و اتصل بالاسعاف
رامي : حبيبتي .. انا مش حقدر اجي معاكي دلوقتي
بس اوعدك
دي اخر ليلة ليا هنا فالمكان المشؤوم ده
انا حسيب الشغل و حكون معاكي من بكرة
و بعدها دقايق
الاسعاف وصلت و خدت دينا عالمستشفى
فالوقت ده رامي دخل المكتب و اتصل بيا
انا : ايه يا رامي .. اخبار الشغل ايه
عامل ايه مع الجثث؟!!
بعدها سمعت صوت رامي بيعيط
رامي : هادي .. انا خايف
بعدها حكالي على كل اللي حصل
رديت عليه و قلتله
انا : متقلقش .. انت مش مضطر انك تكمل شغل فالمكان ده
انا حشوفلك ..
و قبل مكمل الجملة
كان الخط قطع
حاولت اتصل بعدها اكتر من مرة
لكن المكالمة مكنتش بتجمع
وقتها حسيت انها ممكن تكون مشكلة فالشبكة
رامي كان حاسس ان كل ده ابتدا يحصله
من ساعة مشتغل فالمستشفى دي
عشان كده كان مقرر انه يسيب الوظيفة دي فاليوم التالي
و يرجع تاني للطريق الصح
لأنه كان زعلان بسبب الحاجات اللي كان بيعملها ف حياته
لأنه لو كان فضل مكمل فالطريق الصح مالاول
مكنش كل ده حصله
ولا كان اضطر انه يشتغل الشغلانة دي مالاول
و ف نفس الليلة الساعة ١ بليل
رامي كان قاعد فالمكتب لما فجأة
سمع صوت كأن حد بيخبط عالارض
لما بص وراه مكنش فيه حد
واول م دخل الاوضة
شاف نفس الشبح جاي و بيتحرك نحيته
كان ماشي على ايديه و رجليه كأنه حيوان
رامي صرخ و جري عالمكتب و قفل الباب
و دخل عالحمام اللي كان فالمكتب
لكنه سمع صوت المياه اللي جوه الحمام كانت بتتحرك
و اول م بص عليها
اتحولت كلها للون الاحمر كأنها دم
و انفجرت ف وشه كأنها قنبلة
كان فيه دم ف كل حتة
لدرجة ان هدوم رامي كلها بقى لونها احمر من كتر الدم
طلع يجري برة المكتب و كان بيجري فالطرقة
عشان يوصل لباب الخروج
لكن الشبح ظهرله مرة تانية و كان بيطارده
و المرادي
كان ماشي عالحيطة بطريقة مرعبة
وقتها رامي لف بسرعة وومقدرش انه يخرج
جري و دخل عالاوضة المرعبة
كان حاسس ان جسمه كله سايب من كتر الرعب
ووقتها ابتدى يفكر انه لازم يتصرف و يعمل حاجة
عشان يقدر يخرج مالمكان ده
فتح التلاجة
و ابتدى يطلع جثة جمال من جوه
ابتدى يفكر انه يحرق الجثة
وان ساعتها كل ده حينتهى
طلع الجثة و حطها عالسرير
و كان معاه فالوقت ده ازازة كحول وولاعة
ابتدى يكب الكحول عالجثة
ووقتها الجثة فتحت عينيها ووقفت
ابتدى يصرخ بصوت عالي عشان حد يلحقه
لكن وقتها الشبح قام من مكانه و وقعه عالارض
فالوقت ده انا كنت وصلت المستشفى
دخلت الاوضة
لكن وقتها مشفتش غير رامي اللي كان واقع عالارض
انا : رامي .. قوم اقف .. انت ليه بتصرخ .. ايه اللي حصل
بعد مالخط قطع اثناء المكالمة
فكرت اني لازم اقابله فاليوم ده
لان صوته مكنش مطمني
عشان كده انا روحتله
رامي ابتدى يعيط
رامي : هو عايز يقتلني
انا حتجن خلاص
انا حموت يا هادي
انا : مفيش اشباح هنا يا رامي
كل دي تهيؤات
يلا .. يلا قوم عشان نخرج من هنا
واول م قمنا
سمعنا صوت غريب
كان صوت درج التلاجة بيتفتح لوحده
وقتها بصينا لبعض ف صدمة
و شفنا ايدين مرعبة و كلها جروح
بتخرج من جوه الغطا
و بعدها علطول الجثة قامت من مكانها
و ابتدى انه يبص نحيتنا
كنت مرعوب مالمنظر اللي انا شفته
كل اللي رامي حكاه مكنش تهيؤات فعلا
كل ده كان حقيقة
ابتدينا نجري نحية الباب
و كنا سامعين صوته بيجري ورانا
بعدها وصلنا لباب الخروج
واول مفتحناه
لقينا الشبح واقف مستنينا
لفينا بسرعة و طلعنا نجري تاني لجوه واحنا بنصرخ
ووقتها حارس الامن سمع صوتنا و احنا بنصرخ و دخل بسرعة
واول مدخل الاوضة
لقى الشبح ف وشه
و اول مفكر انه يجري منه و يخرج
الشبح كان مسكه و ابتدى ياكل لحم وشه لحد م قتله
فالوقت ده طلعت تليفوني و علطول اتصلت بالشرطة
كنا محبوسين فالمكان
و مش عارف ازاي حنخرج من هنا
بعدها جرينا عالاوضة و قفلنا الباب
دخلنا جوه الحمام و كان فيه دم كتير ف كل مكان
الشبح جه و كسر باب المكتب
ووقتها مكنش قدامنا غير حل واحد بس
انا : رامي ..
احنا مفيش قدامنا غير حل واحد عشان نقدر نخرج
والا حنموت هنا الليلادي
خلينا نجرب
رامي : ايه هو الحل ؟!
انا : احنا لازم ننط من شباك الحمام و نهرب
رامي : لكن احنا فالدور التاني
بس لو مفيش حل تاني .. يلا بينا
الشبح كان على وشك انه يكسر باب الحمام
وقتها نطينا علطول مالشباك
اتصابنا اصابات شديدة
لكنها كانت اهون مالشبح
كنت بموت مالالم وقتها لكني قدرت اتصل بالشرطة
و قالولي انهم حيبعتولنا عربية اسعاف
كنا احنا الاتنين واقعين عالارض و كلنا كسور
بعدها بدقايق الشرطة وصلت
و وراها عربية الاسعاف
و خدوني انا و رامي على نفس المستشفى
اللي كانت فيها دينا
بعدها الشرطة ابتدت تحقق فالموضوع
و ابتدوا يراجعوا الكاميرات اللي كانت موجودة
ووقتها شافوا الشبح ظاهر فالتسجيل
و اتفجأوا كلهم ماللي شافوه
لدرجة انهم قرروا يقفلوا الاوضة المرعبة دي
و بقى مش مسموح لاي حد انه يدخلها من بعدها
و بعد اسبوع خرجت انا و رامي مالمستشفى
لكن دينا خرجت بعدنا ب اسبوع
و من بعد الحادثة دي
رامي اتغير تماما و بقى واحد تاني
بطل شرب و بطل سجاير
و رجع تاني للطريق الصح
و كل ده
كان بسبب الحادثة المأساوية اللي حصلتله
و بعدها ب فترة
رامي و دينا اتجوزوا
و لقوا شغل مع بعض ف نفس الشركة
و قرروا انهم ينسوا كل الاحداث اللي فاتت
و يبتدوا حياة جديدة
و هما مع بعض
اشترك في قناتنا عاليوتيوب
تابعنا على صفحتنا عالفيسبوك
اشترك في جروب الفيسبوك
تابعنا على صفحتنا عالانستاجرام
تابعنا على قناتنا عالتيك توك
تابعنا على صفحتنا على تويتر
تعليقات
إرسال تعليق