شيطان البيت المهجور
جنب البيت بتاعي
كان فيه بيت قديم جدا و مهجور من سنين
و كان فيه روايات و قصص كتير بخصوص البيت ده
بعضها كان حقيقي
و البعض التاني كان مجرد خيالات
اغلب الروايات كانت بتقول
ان فيه شخص مجنون
عايش جوه البيت ده
و بيعذب اي حد
يفكر انه يدخل جوه
فالحقيقة
انا مكنتش بصدق الكلام ده
ولا ان الكوابيس ممكن تتحول فعلا ل حقيقة
لكن الشئ الغريب فالموضوع
ان اي شخص كان بيدخل جوه البيت ده
مكنش بيرجع منه ابدا
انا و عمرو صاحبي
كان عندنا شغف كبير جدا
تجاه اي حاجة خارقة للطبيعة
او اي شئ غريب
عشان كده وقتها
قررنا اننا نستكشف البيت ده
بسبب الاختفاءات الأخيرة اللي حصلت فالبيت ده
كانت دوريات الشرطة بتمر كل يوم الصبح عشان تفحص المكان
و عشان تمنع اي حد
يفكر انه يدخل جوه البيت
عشان كده وقتها
قررنا اننا نستنى لحد بليل
و على حوالي الساعة ١٠:٣٠ بليل
ابتدينا نجهز المعدات بتاعتنا
و اتأكدنا اننا اخدنا معانا اكل و هدوم
وانا اخدت المسدس بتاعي
عشان ف حالة لو كان فعلا فيه شخص مجنون
موجود جوه البيت
كانت الساعة وقتها حوالي ١١:٣٠
لما ابتدينا نتحرك من البيت
و بعدها ب دقايق
كنا وصلنا للبيت المهجور
لكن بمجرد م نزلنا مالعربية
لاحظت وجود شبورة جامدة جدا
كانت مغطية البيت كله
لكن بسبب كوننا وقتها ف فصل الشتا
الشبورة كانت شئ متوقع
عشان كده مهتمتش ب كل ده
بعدها ابتدينا ناخد الشنط بتاعتنا
و مشينا ف اتجاه البيت
لكن اول م وصلنا هناك
الباب كان مقفول
عشان كده اضطرينا وقتها اننا نكسر الشباك
عشان نقدر اننا ندخل جوه
بعدها ابتدينا نرمي الشنط بتاعتنا جوه البيت
و بعدها نطينا و دخلنا جوه
و ده كان اسوء قرار اخدته ف حياتي
لأنه لو رجع بيا الزمن من تاني
عمري م كنت حفكر
اني انط جوه الفتحة الملعونة دي
اول شئ لاحظته اول م دخلت جوه
هو قد ايه المكان كان ضلمة تماما
و برغم انه كان معانا وقتها فلاشات قوية جدا
الا انهم كانوا بالعافية قادرين ينوروا المكان قدامنا
كان قدامنا حوالي ٣ متر بس مالرؤية
لكن برغم كل ده
قررنا اننا نكمل
عمرو كان ماسك الكاميرا ف ايده
و كان مشغل الوضع الليلي
لكن برغم ده برده
الرؤية كانت صعبة جدا
كنت ماسك الفلاش ف ايد
و الايد التانية على المسدس بتاعي
عشان ف حالة لو اتعرضنا لأي هجوم
وسط الضلمة دي
واول م وصلنا ل نص البيت
شميت ريحة غريبة
كانت وحشة جدا
مش قادر اوصفهالكم
كانت كأنها ريحة معدن غريب
وبعدها ابتدت تحرقني ف مناخيري
كل محاول اني اخد نفسي
انا : ايه الريحة دي ؟!
عمرو : مش عارف .. ريحة غريبة
بعدها ابتدينا نتحرك فالممر اللي كنا فيه لحد م وصلنا لمكان واسع
و كنا شايفين الحيطة اللي قدامنا
عبارة عن حفرة كبيرة جدا
و اللي كانت مدخل للبيت
من خلال الغابات
لدرجة ان كان فيه فروع اشجار كتير جدا
نمت عالارض .. و عالسقف من فوق
للحظة
حسيت كأني دخلت محمية حيوانات
لكني اول م نورت بالفلاش مكان الفتحة دي
عينيا ابتدت تنغمش
و ايديا ابتدت تترعش
حتى الفلاش ابتدا انه يفصل
بعدها عمرو اتكعبل ف حاجة كانت عالارض
والكاميرا وقعت من ايده
و ابتدت تطير قدامنا فالهوا
لحد م وقعت عالارض
و اتكسرت مليون حتة
كنا عارفين انها مش مجرد وقعة عادية
عشان كده وقتها مهتمناش اننا ناخدها
و ابتدينا ننور بالفلاش عالارض
عشان نعرف ايه الشئ اللي عمرو اتكعبل فيه
واول مالفلاش وصل للأرض
قلبي وقف ف مكانه
كان موجود غزالة ميتة مرمية عالارض
كانت متقطعة حتت
و كان باين من جسمها
كأن فيه حيوان اكل لحمها
و من بين الضلوع
كان فيه دم كتير مالي عالارض
ووقتها
ادركت كان ايه سبب الريحة اللي انا شميتها
كانت ريحة الدم طول الوقت ده
لكن الريحة اللي انا شميتها
كانت قوية جدا
لدرجة انها تكون من غزالة واحدة بس
و بمجرد م بصيت حواليا
لاحظت وجود دم كتير ف كل مكان
و مش بس كده
كمان كان فيه اثار دم مطبوع كأنها ايدين
لكن الصوابع كانت طويلة جدا
كانت كانها رجلين مش ايدين
و كانوا كلهم بيشاوروا ل فوق
الدم كان موجود ف كل مكان عالارض و عالحيطة
لدرجة انه كمان
كان واصل للسقف
انا : ايه ده بجد .. معقول حيوان اللي عمل كده ؟!
بقولك ايه .. احنا لازم نمشي من هنا
عمرو : بالظبط .. بس .. مش عايز تعرف السبب ؟!
بعدها عمرو ابتدى يتحرك ورا اثار الدم اللي كانت موجودة
واللي كانت كلها بتوجهنا
لاوضة ف اخر الممر
باب الاوضة دي
كان شبه مفتوح
و كانت الاوكرة بتاعته مكسورة
وقتها ضربات قلبي ابتدت تزيد
انا : هو ايه اللي بيحصل هنا بجد ..
مفيش حيوان ممكن يعمل كل ده
مفيش مخلوق شكل بصماته كده
عمرو : ششش .. وطي صوتك
عمرو كان عنده فضول انه يعرف السبب ورا كل ده
و قبل محاول اني امنعه
كان زق الباب و فتحه
لكن الشئ اللي شوفناه وقتها
لسه مسببلي رعب لحد اللحظة دي
كان فيه اكوام من الجثث مرمية ف كل مكان
بعضها كان سليم
و البعض التاني كان مجرد هياكل عظمية
و كان فيه اجزاء حيوانات مرمية وسط الجثث
الدم اللي كان موجود كان عالي لدرجة انه غطى رجلينا
و كانت موجود نفس البصمات عالحيطان و عالسقف
وفجأة
ابتدينا نسمع صوت خطوات رجلين جوه الاوضة
و ابتديت اتأكد اننا مش لوحدنا فالمكان ده
عمرو : انت سمعت الصوت ده ؟!
انا : فيه حد ورانا !
عمرو : لا .. متهيألي .. متهيألي فوقينا
وقتها قلبي وقع ف رجليا
لأن عمرو فعلا كان عنده حق
و بمنتهى الرعب و الفزع
ابتدينا نرفع الفلاشات بتاعتنا لفوق
ووقتها
اتصدمنا ماللي شوفناه
كان فيه شخص بيزحف عالسقف
برغم ان كان شكله غريب جدا انه يتقال عليه شخص
راسه كانت اكبر من جسمه
و كانت صوابعه كبيرة جدا
و ف اخرها مخالب حادة
و مكنش فيه اي جلد مغطى جسمه
لدرجة اننا كنا شايفين العروق و العضلات
و هي بارزة من جسمه
لكن اكتر حاجة كانت مرعبة
كانت عينيه
مكنوش عيون طبيعية
مجرد كور حمرا موجودة مكانها
بعدها المخلوق ابتدى انه يضحك ضحكة مرعبة جدا
و ابتدى يفتح بقه المخيف
وقتها محسناش بنفسنا غير واحنا بنصرخ و بنجري
عشان نهرب ب حياتنا
و كنا سامعين صوت خطوات المخلوق ده
وهو بيجري ورانا
اين كان ايه المخلوق ده
ف هو اكيد كان جعان
و مستني ياكل حد فينا
عمرو : اجري يا ادم .. اجري
كنت على وشك اني انط فعلا مالشباك لما فجأة
سمعت صوت عمرو و هو بيصرخ
وقتها لفيت بسرعة
وشفت الوحش ده
وهو ماسك رقبة عمرو بمنتهى القوة
بعدها بصلي ف عيني
و ابتدى انه يضحك و يبين اسنانه المرعبة
وابتدى انه يرفع عمرو من عالارض
و قبل م افكر اني اعمل اي حاجة
كان الوحش فصل دماغ عمرو و اكلها
و الدم كان بيخرج من كل حتة ف بقه
وقتها مقدرتش اني استنى اكتر من كده و طلعت اجري مالمكان
لأني عارف انه اكيد حيجي ورايا
بمجرد ما ينتهي من عمرو
بعدها وصلت البيت و جريت على اوضة اهلى
و كان وشى كله رعب و خوف ماللي حصل
وعلطول حكتلهم على كل اللي حصل هناك
و بعدها .. اتصلوا بالشرطة
واول م الشرطة وصلت المكان
اكتشفوا كل الجثث اللي كانت موجودة فالاوضة دي
و الدم اللي كان مغطى المكان
لكن عمرو
اختفى من وقتها
و بسبب كل الحوادث دي
مجموعة من الناس
قرروا انهم يحرقوا البيت ده
و الشرطة خلت قضية عمرو
تحت بند المفقودين
و من وقتها
مفيش اي حد كان بيصدقني
لما كنت بحكيله عن المخلوق اللي شوفناه
لكن بعد الحادثة دي ب سنين
اكتشفت معلومات صادمة بخصوص المكان ده كانت بتقول
ان من سنين فاتت
البيت ده كان عبارة عن معمل كبير
لعمليات و تجارب على البشر
وانهم كانوا بيجروا هناك عمليات استنساخ على بشر وحيوانات
معرفش اللي انا شوفته ليلتها ده كان حقيقي ولا لأ
لكن كل اللي انا متأكد منه
ان اكيد بعض التجارب اللي تمت هناك
هي اللي صنعت المخلوق ده
و اللي فضل عايش طول السنين دي كلها
جنب البيت بتاعي
تعليقات
إرسال تعليق